Laboy tayo sa Pulau Ketam!

 

Konting announcement lang muna bago magsimula:

Ipagpaumanhim muna ng madlang people ang panandaliang pananahimik ng toinks team dahil sa mga kadalihanang:

Super duper over to the maximum level busyness si boni station sa kanyang work parang ako. Si Tina banana naman ay bonggang bonggang nawasak ang laftof {kakapanood ng **rn}, navirus ek ek daw, kung ano ano kasi ang dinadownload eh, tsk tsk.. Naglalakad at tumatakbo na ang baby ni Mommy Rachelle na si Baby Polyn kaya nde na maharap magblog at naghahabulan na silang mag-ina. Si Buyoy naman po ay busyng busy sa pagpprepare para sa knilang kasal at pati pagsuot ng red shirt ay nde na makuhang gawin. Di bale chinese new year naman na eh, isuot mo na ung regalo ko sayo nung christmas ha. Si basti nde ko alam kung ano ng nangyari dun sa batang un, magparamdam ka naman koya! toinkz!!

At higit sa lahat, gusto kong magpasalamat sa mga nagbigay ng comment sa last blog ko. Salamat sa mga advices at personal thoughts. Salamat din sa emails {nde kasi pwedeng ipost sa comment section} at sa chat. Alam nyo na kung sino kayo at nde na kailangang imemorize pa. hehehe.. Talamat po!

Busy ang laboy king last weekend dahil gumala na naman kami.. ang destination? Pulau Ketam!

Pulau means Island, Ketam is Crab. Kaya in english, it’s Island Crab este Crab Island pala. Ciempre ng malaman kong isla ang pupuntahan namin, nag ring ulet ang bell sa aking tenga dahil adik ako sa swimming kahit langoy aso at pusa lang ako. At ciempre para maisuot ko ulet ang swimming trunks kong puti {pahinga muna ang black trunks kasi nakita nyo na un eh}. Kaso, ngunit, datapwat, subalit sa Pulau Ketam pala kami pupunta. Kilala ang islang iyon bilang isa sa mga maliit na isla na malapit sa KL at nde malinis. Eh bakit kami pupunta dun?

Malay ko.

Dahil madali lang akong yayain at utuin, sumama na din ako kahit masama ang loob ko at nde ko masusuot ang trunks ko. Hmpf!

Osya, fresh seafoods daw ang dahilan ng laboy namin na un. Bigyan ko kayo ng konting overview:

Matatagpuan ang Pulau Ketam sa southern part ng Klang Valley. Ito ay malawak na lugar na katabi ng KL. Duon matatagpuan ang Port Klang na kung saan duon dumadaong ang mga barko at kung ano ano pang ka ekekan, ang hirap mag explain ha.

Aktwali, pwede naman kaming magdrive from KL to Port Klang pero para sa ikasasaya namin, nagtry kaming sumakay ng train from Subang Jaya to Port Klang, ang pinakadulong KTM train station na kung saan duon nga matatagpuan ang sakayan ng ferry patawid ng Pulau Ketam.

KTM

Nde kagandahan ang KTM trains kasi pang mahabaang byahe sila pero cozy naman sa loob.. {Ano daw?!} Malakas ang aircon at kokonti lang ang mga tao kaya inanggkin ko ang loob. Naging clown na naman ako at ginawa ko ding studio ang loob. Kapit lang sa upuan at magprepare ng tissue sa tabi dahil madami ang pictures na ipopost ko.. toinks!

Isa lang napansin ko.. Ang ganda pala ng polo na suot ko, parang polo na suot ni bro. utoy nung ordination ni rev. Tama ba? Ngaun ko lang napansin.. hehehe…

nakalimutan kong singilin si aling cora

uulan yata, ung mga sinampay ko!

tawa ka naman dyan!

Ang hirap namang patawanin nito, sumasakit siguro tyan mo? hehehe.. Ay, nde nga pala nakakaintindi ng tagalog yan, ah, eh, what? you? painful? Nyemas, wag ka nalang tumawa, ang hirap mag english.. toinks!

 

seat up straight!

Hanggang ngaun nde ko maisip kung bakit nakaupo ako ng derecho, bihira lang mangyari ito kasi kuba ako eh, hmm.. Ah, alam ko na, pinapakita ko nga pala legs ko dyan!

 

Port Off Klang KTM Station

Sa wakas, after 10 years stations, nakarating na din kami sa dulong station ng KTM, ang Port Off Klang, kung makikita nyo sa kanang bahagi ng cute picture ko eh un po ang sakayan ng ferry papuntang Pulau Ketam. Inabot din kami ng mahigit kalahating oras sa train, wala naman akong ginawa kundi magpapicture, magtambling, magsplit, dumekwatro at magpatawa. 

 

pahawak naman

Nde pa ako nakakahawak sa tubo eh pinicturan na ako, sa totoo lang, medyo natakot ako kasi makitid lang ang dadaanang ito papunta sa nakaparadang jeep ferry, nde naman maalon pero nakakatakot parin kasi medyo gumagalaw ung daanan na to, buti nalang may lifeguard ek ek sa likod ko, pero sa sobrang katabaan eh baka sya pa ang sagipin ko kung nagkataon..

 

dambuhalang ferry

O di ba, bonggang bongga ang ferry na sinakyan namin, ang laki!!! toinks! Nyemas, ano nga naman kasi ang ieexpect mo sa RM 7.00 {PHP 80.00} na pamasahe? Ciempre, nde nmn kasi kami social at mga elite kaya sa mga dampa lang kami lumalaboy at either mura ang pamasahe o may discount or promotion kaya lang kami nakakagala. hehehe..

 

ang cr

45 minutes ang pagtawid namin from Port Off Klang to Pulau Ketam kaya wala kaming magawa sa loob. Buti nalang at kokonti ang tao sa loob at nakapagpicturan kami pati sa dugyuting cr na to, infairness, malinis naman, kaso nga lang mukhang babagsak any minute. Kesa naman sa magtyaga ako sa chinese singing contest na pinapanood sa tv na nde ko naman naiintindihan eh di magpicturan nalang.. hehehe.

 

Port Pulau Ketam

Buti nalang pala at nde ako nag insist na magdala ng trunks dahil wala nga namang paglalanguyan, kita nyo nlng, nakalutang pala ang mga bahay dito. Pers taym kong pumunta dito sa lugar na ito kaya humalik ako sa lupa at nagwish.. Wish ko lang…

 

ganda ng polo ko!

Aktuali, wala nmng maganda sa background ko kaso wala man lang akong remembrance sa unang resto na nakita namin kaya nagpapicture na din ako, hehehe.. Nakakaamaze {ng konti} ung islang ito, akala ko tourist area pero residential pala. Dinadayo lang sila ng mga taong gustong kumain ng masarap at fresh seafoods. Nakalutang ang mga bahay nila sa tubig pero infairness, concrete naman..

 

Atty Libay, akala mo ikaw lang ha!

Ciempre, lumaki akong gaya gaya kaya ginaya ko si Atty. Libay sa pagtalon talon epek sa picture. Ang kaibahan nga lang eh para akong nakuryenteng palakang tetot dyan, hayaan nyo na, at least nakalundag ako kahit gutom na.

 

restorans

Sikat ang Pulau Ketam sa masasarap, fresh na fresh at bonggang bonggang sea foods {kanina ko pa sinasabi to} at makikita naman na ang kompetisyon ng mga restoran ay mahigpit. Kanya kanya sila ng mga pakulo. Kapag dadaan ka, may mga kung ano anong tricks ang sinasabi, kesyo chin chan zu o lyna daw ang ginagamit nila, sa totoo lang nde ko maintindihan kasi mga intsik kasi sila, hehehe.. Denedma muna namin sila kasi maglilibot muna kami sa kanilang maliit na sila, mamaya na kami kakain, mamaya na kami pipili ng restoran na gumagamit ng chin chan zu..

 

ganda talga ng polo ko, aawts!

Imaginin nyo nalang na tubig ang ilalim nitong kongkretong daan na ito.. hmm… Sobrang init ng mga oras na ito, tanghaling tapat ba naman kaming maglakad eh. Binalak naming magrent ng bike para makaikot ng isla kaso lalong binuhos ng araw ang lakas nya kaya nde na namin tinuloy, nde carry ng garnier sun block ang tindi ng init. Kaya nag ikot ikot nalang kami ng konti.. konti lang..

 

low tide or high tide?

Low tide nga yata nung dumating kami kasi nakababa ang mga bangka nila, tas ung mga poste ng bahay nila matataas..Pano kaya sila nakakasurvive kapag tag ulan?

 

parang squatters

Mukha lang squatters area sa picture pero malinis nman, magaling siguro pamamalakad ni kapitan sa isla na ito.

 

chinese temple

Nun ko lang nalaman na puro mga intsik pala ang mga nakatira dito kaya ang mga temple eh kung san san ko nakikita. Pinasok namin itong temple na ito, maliit lang pero gaya ng mga temple, regardless ng religion, sobrang peaceful sa loob. Siguro dahil walang mga batang naglalaro o mga turo turong nagtitinda sa gilid ng kalsada, toinks! Ayun, napabunot tuloy ako sa aking wallet para magdonate ng konting pera.

 

kainan time!

Nde na kami tatagal sa sobrang init at gutom kaya bumalik kami dun sa mga restoran, at ciempre ineexpect na namin na gagamitan na naman kami ng kung ano anong chin chan zu language. Pinili namin ang resto ay ung sa waitress na mukhang mabait, sexy at hospitable at tunay na gumagamit ng lyna este chin chan zu pala, toinks!

 

restoran kim hoe

Nde po ito 5star resto, karinderya version natin ito pero mas social naman ng konti, konti lang… Ganda ng name ng karinderyang ito, restorang kim hoe, hehehe.. 

 

magutom kayo

Specialty ng resto na to ang spicy crab ek ek kaya un ang isa sa mga inorder namin. Kami mismo ang pipili ng talangkang ipapaluto namin. Nakalagay sila sa isang drum at nakatali ang mga sipit, wawa naman sila, parang mga nasa death row, hehehe.. Medyo may katagalan ang pagluluto pero worth it naman kasi sobrang sarap, fresh na fresh ang lasa, tamang tama ang anghang kahit nagdagdag pa ako ng sili sa sawsawan eh ayos na ayos!

 

nangalahati na ng maalalang picturan

Sa sobrang gutom eh nakaduwit na kami kaya medyo bawas na ng maalala naming picturan. Nde maganda ang mga plato {ciempre karinderya nga eh} pero hataw naman sa sarap! As in! Sinulat ko nga ung pangalan ko baka kasi makalimutan ko eh {hmpf, corny!}

Inorder namin ung Lala {tulya} na niluto sa shredded ginger and chili, chinese style dried shrimp {ung nasa orange na plato}, ung steam fish {nakalimutan ko ung name ng fish}, tsaka ciempre ung spicy crab, ang kanilang specialty {nasa orange na plato sa gawing taas}, tsaka ciempre nde mawawala ang rice. Kasya kaya sa tatlong tao ito? Aktwali, kulang pa, hehehe.. Msarap eh!

 

mainggit kayo..

Medyo may kamahalan lang ng konti kung ikukumpara sa presyo sa KL pero superb naman sa lasa at freshness, naks! Pang commercial ito!

 

dinaanan ng bagyo

Ayan, parang signal number 4 ang dumaan, pati mga sipit ng talangka eh simot! Iirapan pa siguro kami ng pusa kung ibibigay namin ang tinik ng isda kasi wala na silang masisipsip, hehehe…

Busog sarap ciempre. Mainit na chinese tea lang ang katapat para nde maempatso.

Kwentuhan at tawanan lang pagkatapos. Bumalik na din kami ng Port Off Klang pagtapos ng kalahating oras.

 

ano sabi sa horoscope ko?

Marami ng tao sa loob ng train pagbalik namin kaya nde pwedeng gawing studio. Hikab at basa nalang ng dyaryo ang ginawa ko hanggang marating namin ang Subang Jaya Station na kung san nakapark ung sasakyan namin.

Wala kaming laboy ng mga chinese friends ko next week kasi Chinese New Year na, babalik sila sa kanilang mga lungga probinsya. Ang plano ko eh magpunta sa mga pinoy fwends ko naman para uminom, magpapainom daw ung isang pinoy na galing sa pinas. Maraming pictures ulet pag nagkataon.

—

Excited na ko sa hongkong trip namin next month! Aawts!!