Tips, Tips and Tips.. (Part 1)

Konting patalastas muna bago ang lahat:

1. Gusto kong batiin si Bro. Utoy para sa one year anniversary ng kanyang blog. Isa sya sa mga coolest seminarian na nakilala ko at ciempre isa sa mga idol ko. Kaya sa mga readers, libot na sa bahay ni Bro. Utoy!

2. Ngaun ko lang nabisita ang bagong bihis na bahay ni Prof. Bluep. Tumulo ang laway ko sa sobrang ganda ng site nya ngaun at ang speed, hanep! Parang the flash kahit pang dial up lang ang connection ko.

3. Lastly, kinilabutan ako sa picture na nakapost kay Padre Felmar about the feast of St. Joseph. You have to check it out guys!

—

Nde ko alam kung may karapatan na ba akong magbigay ng mga tips dahil ang pagkakaalam ko eh isa parin akong gusgusin sa larangan ng pagsusulat. Ang tanging rason ko lang naman ay magshare ng aking mga natutunan sa mga paglaboy ko at para maiwasan nyo ang mga kapalpakang naranasan ko during my laboy days.

Ito ang mga tips bago ang paglaboy:

1. Book early. Napakakomportable ng lumaboy ngaun dahil sa usong usong online booking. Andyan ang airasia.com, cebu pacific, tiger airways at marami pang ibang online ticketing airlines na nagpprovide ng murang fares. Nde sila nawawalan ng promotions kaya magbook ng maaga para maavail nyo ang sulit fares nila. Magsubscribe din sa mailing list nila para everytime na may promotions ay kayo ang unang makakaalam.

2. Be patient sa pagbook. Sa mga promotion period, iexpect nyo ng magkakaroon ng clogging ang website nila. Ciempre nde lang nmn kayo ang nakasubscribe sa mailing list nila. Ang tips dyan ay mabilis na internet connection at pagpupuyat. Ang ginagawa kasi namin, dun kami nagpupunta sa kaibigan kong may 2Mbps speed na internet at iniintay naming mag 12mn para kami ang unang makabook at para makuha namin ang desired dates and destination.

3. Save money. Dahil nakabook kayo ng maaga, ibig sabihin ilang buwan pa ang iintayin nyo bago ang engrandeng laboy. Ngaun palang mag ipon na kayo, wag naman ung piso sa isang araw, walang patutunguhan un mga kapatid. Gawin nyo namang few thousand pesos per month para pagdating ng laboy date nyo ay may sapat na kayong pera pang shopping at foodie trippin. 

4. Mag-intay ng Matta Fair. Dito sa Malaysia may tinatawag silang Matta Fair, para syang PC Fair, instead na computer ang mga nasa booth, mga fare and accomodation promotions ang nasa hapag nila. Pwede kang mamili ng mga bansang pupuntahan mo, may mga package deals ding available. Para din silang mga tindahan ni aling cora na pwede kang makipagtawaran at humingi ng discounts, bahala ka na sa diskarte mo. May apat na beses sa isang taon ang Matta Fair dito sa Malaysia kaya kung namiss mo o nde ka nakakuha ng magandang deal, intayin mo nalang ang next fair nila.

5. Mag ipon ng leave. Kung katulad ng company nyo ang company ko na convertible ang annual leave, swerte nyo dahil pwedeng madagdagan ang leave nyo. Pinapapasok lagi kasi ako ng boss ko tuwing holiday kaya kinoconvert ko sya as annual leave kaya kung mapapansin nyo madaming beses akong lumalaboy kasi marami akong converted leaves. Kung nde nmn convertible ang leave nyo, ah eh.. itaon nyo nalang ng Sabado at Linggo ang inyong laboy.

6. Ihanda ang sarili.

      6.a Kapag nalalapit na ang engrandeng laboy, ingatan at ihanda ang sarili. Wag magpupuyat. Bawas bawasan muna ang pagbblog hop, chat, panonood sa youtube at kung ano ano pang anik anik na makakapagpapuyat sa inyo. Base sa experience ko, napakahirap lumaboy ng kulang sa tulog. Nde kasi ako makatulog sa eroplano kasi takot ako eh, baka paggising ko eh si san pedro na nasa harap ko, toinks!

      6.b Wag magpapagod. Alam kong busy kayo sa mga trabaho nyo pero wag nyong abusuhin ang katawan nyo kapag malapit na ang laboy nyo. Take time to relax sa office, drink lots of water, eat right and have enough sleep (kakasabi ko lang na wag magpupuyat)

     6.c Ihanda ang mga dapat dadalhin. Depende sa pupuntahan nyo ang dapat nyong dalhin. Baka naman magdala kayo ng super thick jacket sa beach, naman! Kailangan pa bang imemorize yan? Kapag nagdala kayo ng sapatos na may takong sa Phuket eh ako ang unang pupukpok sa inyo. 

            Kung halimbawa, mountain hiking/ climbing ang trip nyo, wag kakalimutang magdala o magsuot ng lumang rubber shoes, extra shirt, tubig, flash light at back pack na pwede nyong ilagay ang mga ito. Kung beach naman, ciempre nde mawawala sa check list ang trunks/ swim suits (3 piece daw, toinks!), sun tan lotion, camera (pang picture sa mga magagandang bebot tanawin) at shades. Basta, matanda na kayo, alam nyo na dapat ang kailangang dalhin.

      6.d Magdala din ng gamot. Nde maiiwasang magkasakit kapag lumalaboy lalo na kung nde kabisado ng bituka nyo ang pagkain ng ibang lugar. Kung katulad nyo akong matibay ang sikmura, swerte nyo dahil kaya kong kainin lahat, pero kung maselan ang sikmura nyo, dapat mag ingat, magdala lagi ng gamot kahit sa bulsa lang o pitaka pwede namang isingit ang diatabs o kremil-s. 

        *Paalala lang, bawal ang liquids sa airport. Kaya kung ano man ang dadalhin nyong liquid, ay ilagay nyo nalang sa bagahe nyo, make sure na nde ito tatapon by putting tape sa bibig ng bote o ilagay sa bulsa ng luggage.*

7. Do some research. Kung mag ooverseas laboy kayo, magresearch kayo tungkol sa bansang iyon. Kung saan saan magandang pumunta, ano ang famous food, anong language (marunong ba silang mag english o ilokano), ano ang culture (baka kasi maraming bawal, ciempre dapat sumunod ka sa kultura nila, wag kang maging pasaway!) at alamin mo din kung san matatagpuan ang Philippine Embassy sa bansang iyon (kunin mo din pati telephone number) mabuti na ang may alam.

8. Get the best currency rate. Mag ikot ikot sa mga malls para makahanap ng magandang exchange rate. Importante ang makakuha ng magandang rate kung magpapapalit ka ng limpak limpak na salapi, malaki ang matitipid mo. Dapat din, direct exchange ang gawin mo para nde ka talo. Nde ako makapaniwala na may mga taong nagpapapalit pa ng Peso to USD tas ipapalit ng local currency ng bansang pupuntahan nila, naku, sobrang talo kayo dun! 

9. Magtanong. Paglapag ng eroplano, wag mahiyang pumunta sa tourist information center at magtanong. Lahat ng airport ay may information center and mostly they can speak english fluently. Hingi din ng iba’t ibang klaseng mapa dahil may mga lugar na nde mo makikita sa ibang mapa. Kung package deal naman ang laboy nyo at may susundo sa inyo, icheck nyo muna ung ID nya at ung company, baka kung sino lang ang susundo sa inyo at kung saan kayo dalhin, mahirap na.

10. Mag-ingat! Nde lahat ng laboy ay masaya. Nde na uso ang tatanga tanga ngaun. Kailangang may self confidence ka na laging dala dahil naaamoy ng mga manggagantso ang mga engot. Maging mapagmatyag. Kung may nararamdaman kang kakaiba, aba magreact ka! Kung may napapansin kang kakaiba tulad halimbawa sa taxi, kung ang address mo ay sa city at napapansin mong sa liblib na ang destinasyon nyo, aba magreact ka na! Wag basta basta makikipag usap sa strangers. May mga taong lalapit at lalapit sa inyo at mag ooffer ng katawan kung ano ano, mas mabuting wag nyo nalang pansinin baka kung ano ang dala ng mga yan at baka maibigay nyo ang katawan nyo ng di oras. May mga sindikato din kahit sa mayayamang bansa, basta wag kaagad agad magtitiwala.

Eto ang maibibigay kong tips bago lumaboy. Sa susunod na entry ko ang mga tips habang lumalaboy.

At aba, nakapagpost ako ng walang picture! May magbasa kaya? Toinks!

Sana nakatulong ako sa mga nagbabalak lumaboy lalo na ngaung summer. Enjoy your holiday and enjoy your life! Ingat palagi and don’t forget to pray. Godbless!